|
PAGE D'ACCUEIL
BIOGRAPHIE
DISCOGRAPHIE
PAROLES
CONCERTS
PHOTOS
VIDÉOS
MÉDIAS
FAVORIS
BACK TO BENTONIA
POINTS DE VENTE
ELMORE D
Rue d'Erquy 38
B-4680 Oupeye
elmored@ymail.com
|
|
Grandiveûs
2008
[WL] [FR] [EN]
[extrait musical] |
|
LI BATÈME
Elmore D
È m' famile on n'a
Nin bêcôp di r'lidjon.
Qwand m' bèle-fèye acoûka,
On m'a pôsé l' quèstion:
«Vos n' crèyez à rin, mins
Poqwè priver li p'tite
D'on si bê sacramint
Qui fêt qui l' diâle rispite?»
Rèspleû
Ni fåreût-i nin,
N'èst-ce nin l' moumint,
Di l'èwalper è s' coufin
Èt d' fé batizer l' gningnin? (bis)
Spritchî d' l'êwe so 'n-èfant
Ni rîme à rin, di-st-on.
Mins fans-gn' må tot sûvant
Li principe di précôcion?
Ca sårîz-v' måy dîre
Çou qu'i-n-a d'vins l' cîr,
Houte dès foumîres èt dès crasses
Qu'on-z-èvôye è l'èspace?
L'afêre ni costèye rin
Èt pout fé l' pus grand bin.
C'èst tot come li Lotto:
Ça pout rapwèrter gros.
Fåt mète, po-z-èsse pus sûr,
Totes lès tchances di s' costé.
Èsse batizé, c'èst r'çûre
Li carte Avantage dè G.B.
Li paradis, c'èst cåzî
L' Club Méditerranée.
À l'intrêye, on-z-a scrît:
«Cette plage est privée!»
Èt si v's-avez roûvî
L' prumî dreût d'inscripsion,
On v' ritchôke à côps d' pid
Divins l' barque da Charon.
S'i fåt m' batizer 'ne fèye,
Ci n' sèrè nin åhèye.
N-a qu' l'êwe d'on Canadair
Qui pout m' såver d' l'infiêr.
Si l' cisse qui vos m' dinîz
Nawêre avou vos lèpes
N'î fêt rin, fårè vûdî
Li bårèdje dè l' Gileppe, etc.
[FR] LE BAPTÊME
Dans ma famille on n'a
Pas beaucoup de religion.
Quand ma belle-fille accoucha,
On m'a posé la question:
«Vous ne croyez à rien, mais
Pourquoi priver la petite
D'un si beau sacrement
Qui fait rejaillir le diable?»
Refrain
Ne faudrait-il pas,
N'est-ce pas le moment,
De l'envelopper dans son couffin
Et de faire baptiser l'enfant? (bis)
Arroser d'eau un enfant
Ne rime à rien, dit-on.
Mais que fait-on de mal en suivant
Le principe de précaution?
Car sauriez-vous jamais dire
Ce qu'il y a dans le ciel,
Au delà des fumées et des crasses
Qu'on envoie dans l'espace?
L'affaire ne coûte rien
Et peut faire le plus grand bien.
C'est tout comme le Lotto:
Ça peut rapporter gros.
Faut mettre, pour être plus sûr,
Toutes les chances de son côté.
Être baptisé, c'est recevoir
La carte Avantage du G.B.
Le paradis, c'est quasi
Le Club Méditerranée.
À l'entrée est écrit:
«Cette plage est privée!»
Auriez-vous oublié
Le premier droit d'inscription,
On vous repousse à coups de pied
Dans la barque à Charon.
S'il faut une fois me baptiser,
Ce ne sera pas facile.
N'y a que l'eau d'un Canadair
Qui peut me sauver de l'enfer.
Si celle que vous me donniez
Naguère avec vos lèvres
N'y fait rien, faudra vider
Le barrage de la Gileppe, etc.
|
|
